خرج المخرج عمرو سلامة عن صمته ليعبر عن غضبه الشديد من الإزعاج الذي يقوم به بعض الأشخاص في قاعات السينما، مما يؤثر على تركيز الجمهور واستمتاعه، مطالبًا بضرورة اتخاذ الإجراءات اللازمة ضدهم.
وكتب عمرو سلامة عبر حسابه الرسمي بموقع التواصل الاجتماعي "فيس بوك": "تجربة دخول السينما بقت ساعات بتتحول لكابوس في ظاهرة بتزيد بشكل واضح".
واستكمل: "عدد من الناس في قاعات السينما اللي عندهم قلة ذوق وقلة أدب وإنهم مش محترمين باقي القاعة، ومستعدين يتكلموا ويهرجوا بصوت عالي، وعادي جدا يردوا على التليفون أو يفتحوه ويلعبوا ألعاب على الموبايل، ونوره يضايق اللي حواليهم ويزعجهم".
وتابع: "إمتى بقى في إنعدام للإحساس والإدراك إنك بتضايق واحد جنبك وبتعكنن عليه وتبوظ تجربته اللي دافع فيها فلوس، والسؤال الأهم ليه أنت دافع فلوس في دخول السينما وأنت مش مهتم تشوف الفيلم؟!".
واختتم حديثه مشددًا على ضرورة اتخاذ الإجراءات اللازمة لمسببي الإزعاج في قاعات السينما، موضحًا: "لازم على إدارة السينمات تتعامل مع الموضوع ده بحزم أكتر، وتاخد اجراءات مع كل الزعجين وتطلب منهم تسسيب السينما، لأن ناس كتير بقت مش عايزة تروح السينما لأنها مش هتعرف تتفرج وتتفاعل مع االفيلم، وده معناه حتميًا إيرادات أقل وخسائر للسينمات نفسها".
