حرص مدحت عبد الهادي لاعب الزمالك السابق، على توضيح حقيقة الفيديو المتداول له خلال مواجهة الزمالك وسموحة في الدوري الممتاز، والذي أثار حالة من الجدل خلال الساعات الماضية.
وكان مقطع فيديو قد انتشر لعبد الهادي أثناء حضوره مباراة الزمالك وسموحة، ضمن منافسات الجولة السادسة من مجموعة حسم لقب الدوري، واعتبره البعض إساءة موجهة للنادي الأهلي، وسط أنباء عن تقدم الأهلي ببلاغ رسمي ضده.
ورد عبد الهادي عبر حسابه على موقع التواصل الاجتماعي «فيس بوك»، مؤكدًا أن الفيديو لا يعكس الحقيقة كاملة، حيث كتب:
«طوال عمري لا شتام ولا سباب وعمري ما اتربيت إني أغلط في حد.. أنا زملكاوي لحد النخاع وبشجع بيتي بكل حب».
وأضاف:
«الفيديو المتداول ده للأسف متاخد ومجتزأ من سياقه الحقيقي، والكلام كان أصلًا بيني وبين واحد من الجماهير اللي كان بيشتم وكنت بقول له ما ينفعش تقول كده، لكن اتقص جزء من الكلام واتنشر بشكل يوحي بمعنى تاني خالص، علشان يعمل فتنة بين الجمهورين».
واختتم لاعب الزمالك السابق رسالته بالتأكيد على احترامه الكامل للنادي الأهلي وجماهيره، قائلًا:
«مافيش عندي أي داعي أو سبب إني أسيء للأهلي أو لأي جمهور منافس، بحترم الأهلي وجمهوره وإدارته وبحترم كل جماهير الأندية المنافسة، لأن دي مش أخلاقنا ولا دي الطريقة اللي المفروض نشجع بيها.. الكرة منافسة جوه الملعب بس، إنما بره الملعب الاحترام هو اللي لازم يجمعنا كلنا».
