أحتفل محمد هاني كابتن النادي الأهلي بوصوله للمباراة رقم 403 مع الفريق الأول لكرة القدم بالنادي خلال مباراة الأهلي وزد في الدوري الممتاز.
رسالة محمد هاني
ونشر محمد هاني رسالة عبر حسابه الرسمي على موقع التواصل الاجتماعي "انستجرام"، قال فيها: من وأنا صغير كان حلم من أحلامي إني أشوف لاعيبة الأهلي وأبقى واحد منهم، روحت النادي الأهلي وأنا عندي 9 سنين، ومن ساعتها وأنا بحلم باللحظة دي. وأضاف: وصلت للفريق الأول وكان نفسي بس ألعب ولو ماتش واحد، والنهارده أنا لعبت 403 ماتش وبقيت جزء من تاريخ النادي، زي ما هو تاريخي كله.
وأشار: كنت نفسي أحتفل معاكم بالإنجاز ده السنة اللي فاتت، بس النتائج وقتها ماكنتش في صالحنا. وتابع محمد هاني: النهارده وصلت لـ403 ماتش في مسيرتي مع الأهلي، وده كان واحد من أهدافي اللي كنت بحلم أحققها، بس الحلم مابيوقفش هنا. اقل: الهدف الجديد إني أوصل لـ500 ماتش في البيت اللي اتربيت فيه، وأبقى أكتر لاعب في تاريخ النادي يحقق بطولات، وأفضل أساعد الأهلي حتى لو بحاجة بسيطة.
الشكر لجماهير الأهلي
ووجَّه محمد هاني الشكر إلى جماهير الأهلي قائلًا: شكرًا لجمهور الأهلي اللي كان دايمًا سند ليا وساعدني أوصل للحظة دي. كما وجَّه الشكر إلى إدارة النادي وزملائه بالفريق، قائلا: شكرًا لإدارة النادي على دعمها المستمر، وشكرًا لزمايلي، من غيركم عمري ما كنت هأوصل للرقم ده. واختتم محمد هاني رسالته بكلمات تعكس رغبته في مواصلة مشواره داخل القلعة الحمراء، قائلا: 403 ماتش.. ولسه الحكاية مكملة.
