شن مصطفى عبده، نجم النادي الأهلي السابق، هجوم ناري على مسؤول القلعة الحمراء الذي أبرم عقد المدرب الدنماركي ييس توروب مع النادي الأهلي.
وقال "عبده" في تصريحات لبرنامج "الكورة مع فايق" على فضائية "إم بي سي مصر 2": "من الحاجات اللي جننتني، العقد بتاع المدرب ييس توروب، رغم إننا لسه كان في مشكلة بسبب عقد ريبيرو فتيجي أنت تعمل عقد زي ده".
وأضاف: "اللي عمل عقد توروب لازم يتحاكم، لانه وضع الأهلي في كورنر مفيش بعد كده، ليه؟، وليه تعمل عقد كده حتى لو المدرب ده جوارديولا، ليه تحط نفسك في الموقف ده وتبقى مضطر لدفع 6 مليون دولار من أجل فسخ العقد".
وأتم: "الموسم ده خلاص بنسبة كبيرة مفيش بطولات، ولكن الموسم القادم الجماهير لن ترحم أحدًا".
وكان النادي الأهلي قد تمكن من تحقيق فوزًا كبيرًا على نادي الزمالك، بثلاثية نظيفة، في الجولة الخامسة ضمن مرحلة تتويج البطل بالدوري المصري، سجل الأهداف كلًا من أشرف بن شرقي هدفين وحسين الشحات هدف.
