طه دسوقي يشيد بـ حسام حسن: بيقود المنتخب بعقلية لعيب مش مدرب بس

أشاد الفنان طه دسوقي بالعميد حسام حسن، المدير الفني لمنتخب مصر الوطني، بعد تأهل مصر إلى الدور الـ16 في بطولة كأس العالم 2026.

وكتب طه دسوقي، عبر حسابه الرسمي بموقع التواصل الاجتماعي "فيس بوك": "حسام حسن مش المدرب الخواجة أبو بدلة وكاريزما ولما بيفرح بيطرقع بصوابعه، هو لعيب معاهم بس واقف ع الخط بره عايز يلعب لدرجة إن لما الكرة بتعلى بينط مع اللعيبة يجيبها بإيده".

واستكمل: "بيدرب بدماغ لعيب بيحقق حلمه اللي كان نفسه يحققه وهو لاعب فعلًا بس بيحققه دلوقت يكمدرب، فاهم اللعيبة وفاهم كرة وفرحان نفس فرحتنا ربنا يكملها على خير ونفرح أكتر".

طه دسوقي يوجه كلمات دعم لزوجته

وفي وقت سابق، عبر "دسوقي" عن تقديره واعتزازه الكبير لزوجته، خاصة بعد مساندته لتحقيق حلمه، واستكمال رحلتهما معًا، حيث كتب لها عبر حسابه على "إنستجرام": "من7 سنين بالظبط قعدت معاكي في كافيه وقعدنا نشغبط في ورقة كده وقولتلك على حلم عندي مكانش منطقي".

واستكمل: "من ساعتها ولحد النهارده وغنتي بتقوليلي سهل يحصل، دلوقتي بعد 7 سنين بنحققه مع بعض وإنتي عند وعدك وعند كلامك إنه هيجي يوم ويحصل".

ووجه لها الشكر، قائلًا: "شكرا أنك ولا مرة حسستيني أن اللي أنا بحلم بيه صعب، شكرًا إنك دايما مقوياني وواقفة في ضهري ومصدقاني حتى لو كل الدنيا مخوفاني من اللي في دماغي بتبقي إنتي أكتر واحدة واقفة معايا".

واختتمت: "شكرًا  إن عمرك ما استخسرتي فيا معلومة أو مساعدة، فخور بيكي وبتعلم من إخلاصك وصدقك وفخور أني بشتغل معاكي، شكرًا على كونك شريكتي وزوجتي وصديقتي وشكرًا في كل ده على كونك إنتي، ربنا يديمك عليا نعمة ويحفظك ويحلي ايامك ولياليكي”.