حرصت الفنانة منة فضالي على إظهار دعمها للحيوانات الضالة، خاصة بعد حملات الهجوم على كلاب الشوارع، التي أثارت جدلًا واسعًا عبر مواقع التواصل الاجتماعي خلال الأيام الماضية، معبرة عن استيائها من هذا الحملات.
ونشرت منة فضالي صورة لها تجمعها بكلبين، عبر حسابها الرسمي بموقع التواصل الاجتماعي "فيس بوك"، معلقة: "هفضل أدافع عن الكلاب لآخر يوم في عمري، مش بس الكلاب، أي حيوان ضعيف مش قادر يتكلم أو يعبر عن اللي بيحسه".
ووجهت رسالة حادة لمسممي الكلاب، قائلة: "مش الكلاب اللي متوحشة، البني آدم هو اللي متوحش، واللي بيحرض على تسميم الكلام إنسان معدوم الرحمة والإنسانية، هتقولولي ما تعمليش كده مع الإنسان، أقولك: لا، أنت قادر تمشي وتشتغل وتكسب فلوس وتجيب أكلك، لكن دول هيعملوا إيه؟".
واستكملت: "أنت بتلبس جزمة أو شبشب وتمشي والأرض سخنة مبتحسش بيها، وبتركب عربية ومشغل تكييف، دول بيمشوا والأرض مولعة، والجو حر، وفيه منهم اللي بيموت من العطش والجوع، ماتبقوش إنتوا والدنيا عليهم".
واختتمت: "ربنا يهديكم ويحط في قلوبكم رحمة، واللي يقدر يحط شوية أكل ومياه لأي حيوان في الشارع ربنا يجازيه كل خير، ارحموا من في الأرض يرحمكم من في السماء".
تفاصيل سرقة منة فضالي على يد خادمتها
وعلى جانب آخر، كشفت منة فضالي عن تعرضها للسرقة على يد خادمتها الأجنبية، وذلك عبر حسابها الرسمي على موقع التواصل الاجتماعي "فيس بوك"، مؤكدة أنها سرقت العديد من الأشياء الثمينة من متعلقاتها الشخصية.
وعبرت "فضالي" عن غضبها من هذه الواقعة، مشيرة إلى أن هذه الخادمة كانت معها لمدة عام وشهرين، لما ترى منها إلا أفضل معاملة، مؤكدة على أنها كانت تنوي مساعدتها أيضًا في عمل إقامة، معلقة: "قولتها هاتي باسبور أعملك إقامة، قالتلي محتاجة يومين إجازة، وكلبت المكتب يجي ياخدها على أساسا إنها هتروح تجبلي باسبورها".
واستكملت: "إدتها تليفون علشان ممعهاش، علشان اعرف أكلمها، اول حاجة محبتش حد يعرف عنوانها وخلت المكتب يوصلها مكان بعيد، وواحده جيت أخدتها منهم، وبعدين التليفون اتقفل وعملت بلوك ليا ولامي، واكتشفنا بعدها سرقتها للبيت".
