علق الإعلامي أحمد شوبير، على الهجوم الذي تعرض له المهندس هشام نصر نائب رئيس نادي الزمالك من الجماهير خلال مباراة الفريق الأبيض أمس أمام بطل جيبوتي.
وقال "شوبير" في تصريحاته الإذاعية: "إمبارح جماهير الزمالك هاجمت المهندس هشام نصر في المدرجات والراجل بيعمل مجهود كبير ده إللي أنا عارفه ومتأكد منه، والحقيقة أنا مخضوض هل فيه معلومات مغلوطة بتوصل هل فيه حد قاصد يعمل ده".
وأضاف: "مش جميل إنك تهاجم مسؤول في المدرجات، ممكن تنادي عليه تقول له عايزين ننقذ الفريق ماشي لكن فكرة الهجوم عمال على بطال مش لاقي لها سبب".
وتابع: "المفروض الجمهور ميبقاش عامل ضغط لكن يبقى عامل مساندة وتأييد، وجمهور الزمالك السنة اللي فاتت كان الكل بيشيد به فأنا مش بحب فكرة إن الجمهور يهاجم مسؤول وفكرة إن في دائمًا عامل ضغط مش كويسة إلا لو فيه عندك حاجة موثقة ومؤكدة ساعتها مقدرش أقول لك أي حاجة".
