حرص الفنان تامر حسني على دعم الطفل يوسف، موجهًا جمهوره إلى التكاتف والتبرع من أجل علاج الطفل، وذلك بعد تأثره الشديد بمقطع فيديو ظهر فيه الطفل وهو يعاني من الألم.
ونشر تامر حسني مقطع فيديو للطفل يوسف عبر حسابه الرسمي بموقع تبادل الصور والفيديوهات "إنستجرام"، معلقًا: "آسف جدًا عارف إن الفيديو صعب، بس إحنا كلنا إيد واحدة على الحلوة والمرة".
واستكمل: "لسه شايف فيديو الطفل ده، أنا الحقيقة معرفوش، بس زعلت أوي لما شوفته بيتألم كده ومفيش في إيده حاجة يعملها".
وتابع: "بتمنى نتكاتف كلنا وأنا أولكم ونساعده.. لو 310 ألف شخص تصدق وزكى عن نفسه وأهله، وفقط اتبرع كل منهم بـ500 جنيه، يكتمل المبلغ المطلوب لعلاج يوسف".
واستغاث لجمهوره ومتابعيه، قائلًا: "بالله عليكم يلا ننقذ حياة الطفل الجميل ده، فاضل وقت قليل جدًا وبعد كده مش هينفع يتعالج".
وتفاعل عدد كبير من جمهور الفنان مع رسالته الإنسانية، مطالبين بسرعة دعم الطفل والمساهمة في توفير تكلفة علاجه في أسرع وقت.
