علق المهندس محمود طاهر، رئيس النادي الأهلي السابق، على فكرة عودة للترشح لانتخابات القلعة الحمراء من جديد في المستقبل.
وقال "طاهر" في تصريحاته عبر "بودكاست الشرق": "أنا بطلت أروح النادي الأهلي وآخر زيارة ليا كانت من 9 سنين، وقت الانتخابات قبل الماضية".
وأضاف: "أخر مرة دخلت فيها الأهلي أديت قائمة الكابتن محمود الخطيب صوتي، باعتباره المرشح الوحيد وقتها على الانتخابات، عشان محدش نزل اترشح قدامه".
وتابع: "لدي أسبابي الشخصية وراء عدم ظهوري في الأهلي، بجانب أن ظهوري دايمًا يثير الأزمات والمشكلات وحبيت أجنب نفسي وأجنب الناس الحساسية دي علشان متحصلش أزمات".
وعن إمكانية ترشحه في الانتخابات القادمة في الأهلي، رد بشكل قاطع: "لحد دلوقتي لأ.. لأن الفكرة لم ترد على ذهني قد أفكر لو الظروف اتغيرت شوية".
وأكد :أنا نفسي أقدم حاجة يمكن تبقى أوسع شوية من النادي الأهلي، نفسي لو اتيحت لي الفرصة "ومش منصب حكومي بالمناسبة يعني اتحاد أو لجنة أوليمبية حتي زي دي تساعدي" إني أشارك بفكري مع الناس الموجودة لتطوير الرياضة”.
يذكر أن المهندس محمود طاهر، كان رئيسًا للنادي الأهلي خلال الفترة 2014-2017 قبل بدء حقبة الكابتن محمود الخطيب، والتي استمرت حتى الآن.
