تحدثت الفنانة يسرا اللوزي عن علاقتها بابنتيها وكيف تتعامل معهم، موضحة مسؤوليتها تجاههم وصعوبه التعامل مع هذا الجيل مقارنة بسبب وعيه وإدراكه للأشياء مبكرًا.
وقالت يسرا اللوزي خلاللقائها مع الإعلامي أحمد سالم في برنامج "كلمة أخيرة" عبر قناة "ON": "بحاول أعلمهم إزاي يحسوا بيا، بحاول أوريهم ضعفي يشوفني وأنا بعيط ومنهارة وتعبانة من التصوير ومش قادرة أقوم علشان بقالي يومين صاحية بدأوا مؤخرًا يفهموا أنهم يدوني مساحة، لأن في وش تاني بيظهر غصب عنك، الوش ده فيه زعيق كتير.. الواحد لما يكون مش نايم ومتوتر مابيكونش أحسن نسخة من نفسه وأنا مش عاوزة أرويهم النسخة دي فبقرر أني أبعد".
وأضافت: “زمان مكانش عندي الخبرة دي، زمان كان غصب عني ممكن اتعصب ومش عاوزة يجيلهم تروما أنا بفضل استحمل وبعدين افرقع، فرقعت قدامهم مرتين واتخضوا فاتكلمت مع الدكتورة بتاعتي قالت لي قبل ما توصلي المرحلة دي ابعدي، وارجعي لهم علشان يكون عندهم ذكريات كويسة".
وأشارت يسرا اللوزي إلى أن هذا الجيل لديه وعي أكثر بكثير من الأجيال السابقة، معلقة: “الجيل ده عنده وعي أكتر من جيلنا وإحنا صغيرين، الجيل ده بياخد باله من تفاصيل كتير، دلوقتي بنخاف نحور على العيال إحنا كنا بنصدق أي حاجة بتتقال".
واختتمت حديثها عن بناتها، قائلة: "أنا بحاول أعلم بناتي إزاي نعمل توازن في حياتنا، إزاي يشوفوا قدامهم حد مهتم بشغله وبيعمل حاجة بيحبها، وفي نفس الوقت بيقسم وقته ما بين الشغل والعيلة، وأنا بعمل ده، علشان يتعملوا أنه لازم يعملوا حاجة بيحبوها”.
آخر أعمال يسرا اللوزي
وكان آخر أعمال يسرا اللوزي مشاركتها في بطولة مسلسل كان ياما كان، الذي عرض خلال موسم دراما رمضان 2026، وحقق نجاحًا كبيرًا في الموسم الرمضاني ضمن أعمال المتحدة، وقد ناقش واحدة من القضايا المهمة حول مشكلة الطلاق وتأثيرها على الأبناء، وشاركها البطولة ماجد الكدواني، عارفة عبدالرسول، نهى عابدين، حازم راغب، يوسف عمر، ريتال عبد العزيز، جلا هشام، وغيرهم من الفنانين، ومن ﺇﺧﺮاﺝ كريم العدل، وتأﻟﻴﻒ شيرين دياب.
