كشف الفنان عابد عناني تفاصيل أزمته داخل كومباوند دار مصر بعد قيامه بمشاجره مع أحد العاملين بشأن ماسورة المياه الرئيسية الخاصة بمنزله مؤكداً تحرير محضر بالواقعة في قسم شرطة ثالث أكتوبر وكاشفه عن تطورات جديدة بشأن التحقيقات الخاصه كادت ان تتسبب فيه في العديد من المشاكل.
وأفصح« عناني» عن تفاصيل الأزمه بنشر أكثر من مقطع فيديو يوضح ما حدث له وتوثيقاً للواقعه وذلك عبر صفحته الرسمية على موقع التواصل الاجتماعي«فيسبوك« واستنجذ بوزارة الداخلية لحل الأزمة عبر صفحته الرسمية.
وكتب عناني: «بستنجد بأمن الكومباوند عشان يحمينى من عامل من اللى بيبعتوه كل اسبوع يبوظ عداد الميه والمواسير الرئيسية و يقطع عنى الميه بالأيام و مبقاش فاهم ايه بيحصل»
وأضاف :« النهارده قفشته بيعمل عملته بيفك ماسوره الميه الرئيسه بتاعتى يستخدمها كحنفيه يملى بيها الجرادل ويخلص ويسيبها مفكوكه ويمشي بقوله يا بنى مش تقول او ترجعها بعد ما تخلص دا انا افتكرت عفاريت بتلاعبنى وتقطع عنى الميه».
ما تفاصيل التهديدات التي وجهت لعابذ عناني ؟
وتابع حديثه قائلاً إن العامل رفض مغادرة المكان لحين حضور رئيسه، واتهمه بتهديده بالاعتداء عليه أمام أفراد الأمن وكاميرات المراقبة، مضيفاً أن رئيس العامل حضر لاحقاً وهدده أمام الجيران بحسب روايته.
وأوضح: «راح مبجح لانه عشوائي موت وصايع وبيقطع وشوش ودكر وفاكرنى افندى.. ورحت ندهتله الأمن عشان يخرجه لحد ما رئيسه ييجى فمرضيش يخرج وهددنى بتقطيع وشى قدام الأمن قدام كاميرات المراقبة وجه رئيسه برضه قدام الكاميرات والجيران قالى انه هيدفنى مكانى».
وقال: «و فى الاخر بتاع الامن العجوز الطيب الراجل ابو ٣ زبيبات صلاه قالى هضربك تخيل بتاع الأمن اللى المفروض يحمينى و يحمى ممتلكاتى دافع انا فلوس ع الكلام ده وبيكذب قدام الظابط ويقول انا خادم جامع وبيقلع الطاقيه عشان يشوفوا زبيبات الصلاه فى قورته ومناخيره».
ماذا أعلن عابد عناني في محضر الشرطة؟
وأكد أنه حرر محضراً في قسم شرطة ثالث أكتوبر موضحاً أن المباحث تمكنت من الوصول إلى عدد من الأشخاص والتحفظ عليهم تمهيداً لعرضهم على النيابة،
وقال: «فعلا انا مش فاهم كل العبث ده وهروح القسم عشان افهم بس الصفحة الرسمية لوزارة الداخلية حد يكلم حد يكلم حد عقبال ما اصلح السباكة واخد دش واروح القسم.
تم عمل محضر فى قسم تالت اكتوبر وانا ف انتظار الدكوره التلاته ييجوا يشرحوا وشى و يدفنون مكانى زى ما قالوا بس شكلهم هربوا.
المباحث مشكوره وصلتلهم و مش هيدفنوننى مكانى ولا يقطعوا وشى تم التحفظ عليهم للعرض على النيابه وهصغر مخى معاهم جامد».
ما آخر تطورات الأزمة ؟
عن تطورات الأزمة افصح عن ما ترتيب علي هذه الازمه في منشور أخر عبر صفحته الرسمية على موقع التواصل الاجتماعي فيسبوك موضحاً أنه علم خلال وجوده في النيابة أن الشخص الذي اتهمه بتهديده لم يتم التوصل إليه حتى ذلك الوقت، كما انتقد عدم معرفة أحد أفراد أمن الكومباوند بهوية هذا الشخص
وكتب قائلاً : «ان شاء الله الأيام هتثبتلك يا عماد ان مشكلتك مش انك قولتلى هدفنك مكانك مشكلتك انك مدفنتنيش فعلا.
عرفت فى النيابه النهارده انهم لسه موصلوش للدكر اللى عايز يشرح وشى و عرفت انه اسمه محمد.. و واحد غريب من امن الكومباوند بيقولى اصل احنا معرفوش يعنى مدخلين واحد بلطجى يرازينا ومش معاهم حتى بطاقته.. لك الله يا إدارة دار مصر و الله».
