كشفت النجمة غادة عبدالرازق عن جانباً مختلفاً من شخصيتها لا يظهر كثيراً أمام الجمهور مؤكدةً أنها خجولة وطيبة وبسيطة ولا تحب أن تنعكس صورتها الفنية على حياتها الخاصة كما تحدثت عن أسباب ابتعادها عن الخروج وشعورها بأن البعض يسيء فهم شخصيتها.
غادة عبدالرازق تكشف خزائن أسرارها
وقالت«غادة» خلال لقائها مع الإعلامي الإماراتي أنس بوخش في برنامج «ABtalks»: «غادة عبدالرازق الممثلة المشهورة، اللي بتحب دايمًا ترضي الناس بأعمال كويسة، تحب تسمع على طول إن الناس حباها، اللي تحب أكيد لما تخش أي مكان تبقى أضواء الشهرة عليها.. يعني الشهرة.
أما عن غادة محمد عبدالرازق (الأنسانة) قالت:« هتلاقيها مختلفة تماماً.. خلي بالك أنا خجولة جداً. في ناس بتفتكر إن ردودي عشان بطلع في البرامج بعرف أرد سريع ، إن أنا ست قوية وقادرة والكلام ده، خالص أنا ست خجولة جداً. يعني لو حد وقف قصادي قعد يشكر فيا زيادة عن اللزوم، ما بعرفش أرد عليه، ما بعرفش أقول له إيه، ببقى خجولة جدًا».
غادة عبد الرازق: أنا شخصية مسامحة جداً
وتابعت: «أنا شخصية مسامحة جداً، ما أنت بتقول والناس تفتكر إن الطيبة دي عبط، لا، مش عبط خالص.. أنا تربيت في بيت طيب وطلعت مع أهل طيبين، فدي بقت صفة من صفاتي ومش عارفة أبقى شريرة وبحمد الله إني جدعة وصحبت صاحبي وبسيطة جداً».
وأوضحت سبب عدم خروجها كثيراً قائلة: «اللي خلاني مش بخرج كتير إني مش باخد وقت لا في الشعر ولا في الميكب. دايماً بخرج وشعري ملموم ، مفيش ميكاب في وشي، وأول بنطلون جينز على أي تشيرت بلبسهم، وممكن ألبس الشارب عليه الحزمة فعلًا، لدرجة إن كل اللي حواليه يقولولي: عيب يا غادة.. إنتي حد استار نجمة مينفعش».
وصرحت: «شوفتوا بقى أنا مبقتش أحب الخروج ليه؟ لأني أبسط من كده بكتير. اللي بيطلع على الشاشة دي شغلي، أكل عيشي، إني أحط الميكاب ويبقى كل الحاجات بتلمع وتبرق، أنا مبحبش ده كإنسانة.... بيحصل معايا لما بنزل بشكل بسيط والناس تتصور معايا أو بتشوفني عفوية، ودي من الحاجات اللي جوايا».
وعن الصورة التي يكونها البعض عنها، قالت غادة: «كتير جداً.. في ناس بتفهمني غلط من تسرعي في الكلام أو ردودي اللي شوية بتبقى قوية، وفيه اللي عايزين يفهموا الناس عني غلط.. دول نوعين، وما أكثر اللي عايزين يرسموا صورة غلط عني كممثلة ، وبالمرة الإنسانة وكله على حسابي».
وجاءت تصريحات غادة عبدالرازق خلال استضافتها في برنامج «ABtalks» مع الإعلامي الإماراتي أنس بوخش، حيث كشفت جانباً من شخصيتها بعيداً عن صورتها الفنية المعروفة.
