علق الفنان أحمد أمين على الجدل الذي أثير خلال الأيام الماضية حول حق الأداء العلني معلناً دعمه لتفعيل القانون مؤكداً أن الهدف منه هو حماية حقوق صناع الأعمال الفنية وأنه لا يتعارض مع الاستثمار أو مصالح المنتجين بل يصب في مصلحة صناعة الفن.
رسالة أحمد أمين
وكتب أحمد أمين عبر حسابه الرسمي على موقع التواصل الاجتماعي"فيسبوك" "كلام كتير بيدور عن حق الاداء العلني اليومين دول ومصدعينكم انا عارف.. ناس كتير هتقول واحنا مالنا فحبيت احكيلكم الموضوع ببساطة..
أي أغنية قديمة بتسمعها أو فيلم أو عمل فني بيتعرض بيبقى فيه صناع كتير علاقتهم بالعمل ده عمرها ما بتخلص.. هما ابتكروه من سنين وده شغلهم وفكرهم..
السؤال بقى.. هل ينفع ان العمل يعيش ويفضل يأثر على سمعة الفنان ويفضل يسعد ناس أكتر منغير ما يكون للصانع ده حق في انه ياخد ولو عائد بسيط من اللي بيرجع من إعادة عرض الأعمال دي..
ده اسمه في الفن حق الاداء العلني.. وده قانون قديم بالمناسبة من ٢٠٠٢ ومطبق في أغلب دول العالم.. وفكرته مفعلة جدا على اليوتيوب مثلا.. وبيفضل صانع المحتوى يكسب عائد من كل مشاهداته طول ما فيه ناس بتتفرج.. وكمان بيحمي اللي عامل الفيديو ده وما بيسمحش حد ياخد شغله وينزله في مكان تاني..
فيه فنانين (والقصص كتير) انتهت حياتهم بظروف صعبة جدا في حين انه عنده رصيد ضخم جدا من الأعمال بتتعرض لغاية النهارده..
أنا مع تفعيل قانون حق الأداء العلني.. وعمر ما حماية حقوق المبدعين ما هتكون ضد الاستثمار أو المنتجين و أصحاب الأعمال بالعكس احنا كلنا في مركب واحدة.. كلنا نفسنا في صناعة أقوى قادرة تكمل وتسعد جمهور كبير كل يوم".
موافقة مجلس الشيوخ على طلب ياسر جلال
ويأتي تعليق أحمد أمين بعد موافقة مجلس الشيوخ على طلب المناقشة العامة الذي تقدم به الفنان والنائب ياسر جلال بشأن تفعيل حق الأداء العلني المنصوص عليه في قانون حماية الملكية الفكرية رقم 82 لسنة 2002 في خطوة تستهدف تعزيز حماية حقوق المبدعين وضمان حصولهم على حقوقهم عند إعادة عرض أو استغلال أعمالهم الفنية.
