أكد الإعلامي أحمد شوبير، أن لجنة التراخيص هذا العام، تطبق سياسة اللعب المالي النظيف بجدية، ونادي الزمالك لن يحصل على الرخصة الأفريقية ليتمكن من المشاركة في دوري أبطال أفريقيا إلا بعد حل كل القضايا والالتزامات المالية العالقة.
شوبير: محدش هياخد الرخصة إلا لو أموره 1000 % صح
وقال "شوبير" في تصريحات عبر برنامجه الإذاعي: "محدش هياخد الرخصة الأفريقية إلا لو أموره 1000 % صح، والمهندس هاني أبوريدة طلب من لجنة التراخيص تطبق عملها بكل الدقة، موضحًا: "الزمالك شغال ومموت نفسه عشان يخلص القضايا اللي عنده ولازم تخلص قبل يوم 25 يوليو.
وتابع: "زمان كان ممكن يكون فيه تنييم شوية للموضوعات لكن دلوقتي لازم ينهي كل القضايا وبتسمع كل يوم عن محاولات الزمالك إنه يخلص القضايا اللي عليه، وحظ الزمالك كويس لأن الاتحاد الأفريقي مد المهلة للحصول على الرخصة الأفريقية ليوم 25 يوليو بدلًا من 30 يونيو الجاري".
وأردف "شوبير": الحديث عن إيقاف القيد التأديبي الأمر مختلف شوية والزمالك ربنا معاه وإحنا نبهنا وقولنا محدش سمع الكلام
كاف يعلن مد مهلة الحصول على الرخصة الأفريقية الأندية
وقرر الاتحاد الأفريقي لكرة القدم "كاف" مد مهلة الأندية المشاركة في البطولات الأفريقية لتوفيق الأوضاع للحصول على الرخصة الأفريقية، لتصبح 25 يوليو المقبل بدلا من 30 يونيو، وهو ما يمنح الأندية المشاركة سواء في دوري الأبطال أو الكونفدرالية فرصة لتوفيق أوضاعها.
