أطلق الفنان وبطل العالم السابق للإسكواش رامي عاشور فيديو كليب أغنيته الجديدة، ويقدم فيها تجربة الديو لأول مرة مع المطربة الصاعدة هدى الجبيلي، والأغنية بعنوان "على طول"، وذلك عبر موقع الفيديوهات الشهير يوتيوب، إلى جانب عدد من المنصات الموسيقية.
وتأتي الأغنية من كلمات وألحان رامى عاشور، وتوزيع موسيقى وميكس وماستر، مهاب سامي، وتصوير وتنفيذ أنس عوض، وتوزيع شركة " Digital Sound ".
وعبر رامي عاشور، في تصريحاته تليفزيونية، عن سعادته بهذا التعاون الغنائي، قائلًا : "الأغنية تميل إلى الطابع الرومانسي وهي قريبة إلى قلبي، لأنها أول دويتو أقدمه، مع المطربة الجميلة هدى الجبيلي، وسعيد بالتعاون معها لأنها تمتلك صوتًا رائعًا، وأنا متأكد أنها ستحقق نجاحًا كبيرًا في المستقبل، ولا أنسى أن أتوجه بالشكر إلى السيدة أميرة سليمان، خبيرة التسويق والإعلام، صديقتي والقائمة بأعمالي سابقًا، على تعاونها معي وترشيحها لي المطربة هدى لتشاركني ديو "على طول"".
واستكمل: "أحب فكرة تقديم المزيد من الدويتوهات، لأنني أؤمن أنها تضيف قيمة وروحًا مختلفة لأي مشروع فني، ومن الجميل دائمًا مشاركة الأفكار والعمل مع فنانين آخرين.. لكن في الوقت نفسه، هذا النوع من المشاريع يكون فيه تحديات من الناحية الفنية عشان كل طرف بيكون له أفكاره وطريقته فالتحدي هو بيكون أننا نقرب الأفكار عشان نطلع بشيء مختلف... لكن في النهاية أرى أنه يستحق ذلك فعلًا".
واختتم رامي عاشور حديثه عن أغنيته الجديدة، مضيفًا: "أنا سعيد جدًا بالنتيجة النهائية لهذه الأغنية، وأتطلع لتقديم المزيد من الدويتوهات في المستقبل".
وجاء كلمات أغنية "على طول"، كالآتي:-
"على طول بوصف أقول عن حبيبي اللي أنا بهواه
واللي واخد عمرى معاه واللى جاى مش من الدنيا
واللى كل ما أقوله حبيبى بنسى نفسى وأقول الله
وهاعيش والله هعيش عمرى كله عشان أحميك
من عيون الناس و أداريه ده اللي شافه حسدني عليه
لون عيونه غريب مش عادي حتي عمري شويه عليه
هاتولي قلب في رقة قلبه بيخاف من النسمة عليا
هاتولي حد بيضحك ضحكه وبيسهر طول ليله ليا
هاتولي قلب في رقة قلبه بيخاف من النسمة عليا
هاتولي حد بيضحك ضحكه وبيسهر طول ليله ليا
أيام عدوا أوام عشت فيهم وأنا مرتاح
عشت وأنا ناسي الجراح أحلى حاجة في عمري حبيبي
عادي أموت أنا لو يوم راح
يا سلام دي الأيام مهما تيجي ومهما تروح
إنت روحك أجمل روح مش بتتغير ف عينيا
جوه مني مكان ما بروح
هاتولي قلب في رقة قلبه بيخاف من النسمة عليا
هاتولي حد بيضحك ضحكه وبيسهر طول ليله ليا
هاتولي قلب في رقة قلبه بيخاف من النسمة عليا
هاتولي حد بيضحك ضحكه وبيسهر طول ليله ليا".
