كشف الفنان هشام ماجد عن كواليس فيلمه الأخير "برشامة"، الذي يعرض خلال الفترة الحالية بدور السينما، محققًا أعلى الإيرادات في شباك التذاكر.
وقال هشام ماجد خلال لقائه ببرنامج "صاحبة السعادة"، مع إسعاد يونس، على شاشة قناة DMC، إن فيلم برشامة له قصة كبيرة وكان سببًا للتعرف على المخرج خالد دياب، مضيفًا: "الفيلم من 2018، المخرج بعتلي المعالجة بتاعة الفيلم وبتاعت مسلسل (أشغال شقة)".
واستكمل: "الفيلم أخد قلبي لأن خالد وشيرين ومحمد بيعملوا المعالجة كبيرة يعني مثلا معالجة مسلسل (أشغال شقة) كانت 80 صفحة وإحنا في مسلسلات ممكن كل اللي ناخده 80 ورقة وننزل نصور، المعالجة كان فيها تفاصيل كتير بتضحكودراما ومشاعر وشخصيات مبنية صح، انا قلتله عايز أعمل الفليم ده لكن حصلت ظروف، كنت هعمله انا وشيكو الأول وبعدين حصلت ظروف واتعطلنا وبعدين الفيلم راح لناس تانية، وبعدها عملنا |(أشغال شقة) فرجعنا".
أما عن مخرج فيلم "برشامة"، أكد هشام ماجد أنه صاحب المشروع وله فضل كبير في نجاحه، قائلًا: "خالد دياب مهتم بكل تفصيله وهو بيصور، هو عارف عايز إيه وهياخده هياخده، انتوا بتموتوا كممثلين أنا هاخد اللي أنا عايزه المنتج بيقول هيتخرب بيتي أنا هاخد اللي عايزه هعمل فيلم حلو، هو ليه فضل كبير في النجاح دا".
وأشار "ماجد" إلى أسباب نجاح "برشامة"، التي ترجه إلى كونه عمل مصري جدًا من حيث الفكرة، التي تدور حول فترة الثانوية العامة، قائلًا: "فكرة أورجينال خالص ومحدش جاب سيرتها قبل كده، كلنا لينا مواقغ في الثانوية فاكرينها لحد دلوقت".
واختتم هشام ماجد حديثه عن قصة فيلم "برشامة"، مضيفًا: "قصة الفيلم هي موضوع خاص جدا يهم الناس والفيلم مليان ممثلين كتير بتحبهم، وربنا بيسبب الأسباب في رمضان ريهام عبدالغفور وباسم سمرة ومصطفى غريب وحاتم صلاح، كسروا الدنيا والفيلم نزل في العيد، الناس عايزة تشوف كل النجوم دول".
تفاصيل فيلم برشامة
وينتمي فيلم "برشامة" للأعمال الكوميدية الاجتماعية التي تعتمد على التشويق والإثارة، وتدور أحداثه حول حياة طلاب الثانوية العامة الذين يدرسون عبر منازلهم، مع اختلاف طبقاتهم وظروفهم، وسبل الغش التي يلجاون إليها.
وفيلم برشامة من بطولة هشام ماجد، باسم سمرة، ريهام عبدالغفور، حاتم صلاح، مصطفى غريب، عارفة عبدالرسول، كمال أبو رية، فاتن سعيد، وليد فواز، وغيرهم من الفنانين، ومن تأليف أحمد الزغبي وشيرين وخالد دياب، وإخراج خالد دياب.
