علق الإعلامي أحمد شوبير، على تصريحات وكيل اللاعبين آدم وطني، بشأن رحيل إمام عاشور نجم النادي الأهلي بعد طلبه المساواة مع ثنائي الأحمر زيزو وتريزيجيه.
وقال "شوبير" في برنامجه "الناظر" على فضائية "النهار": "وفقا لمصدر في الأهلي، إمام عاشور وللمرة الألف لم يطلب المساواة مع تريزيجيه وزيزو، هو عارف قيمة وقدر نفسه، والنادي الأهلي كذلك عارف قيمة اللاعب".
وأضاف: "إمام بعت للمسؤولين في النادي الأهلي إنه على أتم استعداد إنه يقعد ويتكلم في مفاوضات التجديد، ومش بالأرقام اللي الناس بتقولها"، موضحًا: "واضح إن في ناس القصة دي عجباهم، ويقولك آدم وطني قال وعاد، ومش عارف مين اللي حاطط الموضوع ده في دماغه، على الرغم من إن لسه في عقد إمام سنتين".
وتابع: "آدم وطني طلع تصريحات بأنه لم يذهب لاتحاد الكرة للسؤال على عقد إمام عاشور والأهلي قد يبحث تعديل عقد إمام عاشور وارد جدًا ولكن مش دلوقتي خالص، لإن الشغل الشاغل في القلعة الحمراء هما اتنين لاعيبة حسين الشحات وأحمد نبيل كوكا نظرًا لاقتراب إنتهاء عقودهم والمقرر لها بنهاية الموسم الجاري".
