أوضح الفنان أحمد العوضي حقيقة تصريحاته الأخيرة التي أثارت جدلاً عبر مواقع التواصل الاجتماعي، مؤكداً أنه لم يقصد الإساءة إلى المرأة أو أي شخص في حياته، وأن حديثه عن السيارات جاء ضمن حديثه عن مراحل الحياة والذكريات، وليس بالمعنى الذي فهمه البعض من الجزء المتداول.
وحرص العوضي على نشر مقطع فيديو عبر صفحته الرسمية على موقع التواصل الاجتماعي فيس بوك، وقال: «مساء الفل على كل إخواتي، عاملين إيه؟ أخباركم إيه؟ يارب تكونوا بخير طبعاً، اللي حصل إمبارح ده، أنا طلعت رديت عليه، وطلعت اعتذرت عن الفهم الخاطئ، لو كان الكلام اتفهم بمعناه مش اللي أنا أقصده».
وتابع: «وفي ناس طبعاً وقفت معايا وناس فهمت القصد، وتفهمت الموقف وفي ناس شافت إن هو لا، أنت قصدك وأنت وأنت وأنت وأنت، وحقهم، يعني كل واحد يشوف اللي عاوز يشوفه مني لو أنت عايز تتصيد الخطأ هتتصيده، ولو أنت عايز تفترض فيّا حسن النية افترضه».
كيف أوضح العوضي سياق حديثه عن السيارات؟
ولفت العوضي إلى تفاصيل الحلقة قائلاً: «الحلقة كانت مدتها 38 دقيقة، اقتُطع منها الجزء ده بتاع العربيات، وكان الموضوع كالتالي لو حد اتفرج على الحلقة كاملة يعني: إن هو بيسألني: الذكريات الجديدة بتلغي الذكريات القديمة؟ فأنا رديت معاه نصًا فقلت له: كل مرحلة في الدنيا لها ذكرياتها».
وأوضح: «وأنا وسعت المفهوم إن المرحلة تشمل كل حاجة؛ تشمل حياتك، تشمل سكنك، تشمل شغلك، تشمل حبك، تشمل صداقاتك، تشمل سيارة أنت راكبها. فضربت المثل بالسيارة وقلت إن الميتسوبيشي والمرسيدس، وأنا كنت حاسس هنا مبسوط وهنا مبسوط».
وأضاف: «وضربت حتى مثل إن أنا كنت جاي من الـ132 اللي هي كانت مع أبويا فلو أنا قاصد المعنى، وأن أنا أرمي كلام، أو إن أنا أشبه، حاشا لله يعني، الست بالعربية، ما كنتش جبت سيرة أبويا وأن هو كان معاه 132؛ لأن أنا أكيد مش هعمل كده يعني، الكلام إخواتي فاهمينه».
هل قصد أحمد العوضي الإساءة إلى المرأة؟
وقال: «فطلعت وقلت الكلام ده، وبشكر أصدقائي، إخواتي وحبايبي اللي فهموا وتفهموا قصدي وبس، هو ده لكن أنا فعلًا ما كانش في نيتي إن أنا أغلط في حد، ولا أنا هغلط في ست، ولا أنا هغلط في أمي، ولا هغلط في خالتي، ولا هغلط في حد في حياتي».
واستكمل: «ولا هغلط في حد كان في حياتي، ولا هغلط في حد مني، عمر ما هعمل كده أبداً بس الكلام اتفهم زي ما في ناس عايزة تفهم. وحقه إن هو يفهم كده، لو هو وصل له مني كده فأنا اعتذرت».
لماذا ذكر العوضي سيارة والده؟
وأوضح: «بس هو فعلاً أنا ما كانش في نيتي كده، والدليل بقول لك إن أنا جبت سيرة العربية التي يملكها، اللي كان يملكها والدي يعني فأكيد أنا بتكلم على العربية كعربية، لا قصدي تلميح ولا برمي على حاجة ولا أي حاجة من الحاجات دي».
وذكر العوضي: «والكلام ده لإخواتي اللي بيحبوني اللي أنا ما أحبش إن تتصدر لهم صورة مش حقيقية عن أحمد العوضي اللي هما عارفين ده الكلام يهمهم هما، دول اللي يهموني لكن أنا مش، ما أهنتش المرأة، ولا أنا بصيت لها بصة دونية».
ماذا قال العوضي عن احترامه للمرأة؟
وشدد: «ولا الكلام ده كله تماماً تماماً تماماً تماماً وبالعكس، أنا قلت في الحلقة إن الست لازم تتعامل معاملة كويسة ومعاملة طيبة، والبنت تدلع من أبوها، وقلت إن الزوج والزوجة ما ينفعش يتخانقوا قدام الأولاد عشان ما يطلعوش مشوهين نفسياً».
وتابع: «وده اللي أنا قلته في الحلقة ما قلتش أي حاجة، وربنا عالم بالنيات، فما تخشين في نيتي وتقول لي أنت كنت قاصد ومش قاصد؛ لأن أنا مش خايف منك، فاهم قصدي؟ أنا كل الموضوع إن أنا اتضايقت إن كلام ممكن يتأول، ويعني ويمس أشخاص أنا بحمل لهم كل الاحترام والتقدير».
واختتم حديثه قائلاً: «وشكراً، وبحبكم في الله، واستنوا، شكراً».
وكان الجدل حول تصريحات أحمد العوضي قد بدأ عقب ظهوره في بودكاست «قصتي» مع الإعلامي محمد قيس، حيث تحدث عن مراحل مختلفة من حياته وذكرياته مع السيارات، قبل تداول جزء من حديثه وتفسيره من جانب البعض على أنه يتحدث عن العلاقات العاطفية، وهو ما دفعه إلى توضيح مقصده والاعتذار عن سوء الفهم.
