أعربت الفنانة بشرى عن فخرها بما قدمه منتخب مصر مؤكدة أن اللاعبين نجحوا في تحقيق إنجاز كبير وقدّموا أداءً مشرفاً أمام منافس قوي مشيدة بروحهم القتالية داخل الملعب.
وقالت بشرى في تصريحات خاصة لـ"صوت": "لا أوعى تزعل.. إحنا لسه في الحلم حققنا إنجاز كبير جداً قدام فرقة قوية جدًا، وعملنا إنجاز شبه التعادل ولولا الجول اللي اتلغى كان ممكن الأمور تختلف ورأسنا برأسهم صحيح التحكيم ما كانش في صفنا لكن اللعيبة لعبوا بمنتهى الرجولة والتفاني".
وأضافت أن كرة القدم تقوم على المكسب والخسارة مؤكدة أن الأهم هو الأداء المشرف، قائلة: "في الآخر دي رياضة فيها مكسب وخسارة ولازم يكون عندنا الروح الرياضية بصراحة إحنا عملنا إنجاز تاريخي".
وتابعت: "الأجيال الجديدة شافت يعني إيه مصر تلعب في كأس العالم وتوصل لدور الـ16 حتى لو ما عديناش لكن لعبنا مباراة رجولة وخسرنا بشرف ودي حاجة نفتخر بيها".
ووجهت التحية للجهاز الفني واللاعبين قائلة: "تحية للمنتخب الوطني والكابتن حسام ومحمد صلاح وكل اللعيبة اللي تفانوا لأنهم قدموا حاجة مشرفة".
واختتمت بشرى تصريحاتها برسالة دعم وثقة في المنتخب قائلة: "إحنا جامدين أوي ولما بنعوز نعمل حاجة بنعملها بس لازم نآمن ببعض ونلتحم مع بعض ونبطل نقلل من قيمة نفسنا لأننا غلبنا فرق مش سهلة... وأعلى إنجاز إننا خلصنا من زل كابتن مجدي عبد الغني".
